السلام عليكم، القصة بدات من واحد النهار باقي عاقل كنت كنجري فالبحر و شفت 3 رجال خدامين بواحد الدرون طائرة و دخلني الفضول و متبعهم شنو كيديرو حتى زعمت و مشيت لعندهم بقيت كنشوفهم خدامين واحد شاد راديو كوموند و لاخرين دايرين مونيتور فتريبي و كيشوفو، صافي قصدتهم و سولتهم بآدب، السلام عليكم واش ممكن نشوف؟ دارو شافو فيا و جرا عليا واحد فيهم، قالي آش باغي تشوف سير فحالك، مشيت فحالي و بقا فيا الحال بزاف، قلت ان شاء الله واحد النهار أنتعلم لهاد الضومين إلى كتب الله، و دازت الوقت و قريت و تعلمت و خدمت و حتى وليت خدام فهاد الضومين، هاد القصة تعاودات لي مع دراري صغار كنكون خدام و كيجيو يكتاشفو و يسولوني على الدرون و كنعطيهم وقت و نوريهم شنو بغاو يشوفو او يعرفو عكس القمعة لي دارلي داك خونا ملي كنت صغير.

فهاد الكتاب جمعت ليكم جميع المعلومات المتعلقة بالدرون من خلال تجربتي المتواضعة من 2016 حتى لدابا و متخصص فالسمعي البصري من 2009، بغيت نعطيكم العصارة و بالدارجة باش كلشي يفهم الكبير و الصغير جميع المستويات، غادي يكون هو دليل شامل كيركز على كل ما خاصك تعرفو عن الدرونات، من الأساسيات ديال الطيران حتى لتقنيات التصوير المتقدمة، و كيعلمك كيفاش تتعامل مع الدرون بطريقة آمنة و فعالة، سواء كنت مبتدئ باغي دخل لعام الدرونات، أو محترف كتحاول تطور مهاراتك.

 
انضم لينا فهاد الرحلة، و اكتشف كيفاش تقدر تستعمل الدرون باش تحول أفكارك لواقع، و توسع آفاقك فواحد العالم لي ما فيهش حدود.